من طرف المقدمة
درس اليوم عبارة عن تصميم خلفية ،، بس طبعاً مب خلفية عادية ،،
خلفية فيها ابداع وابتكار وعمق وخيال ،،
لها السبب سميتها (خلفية ثابتة ،، كأنها تتحرك) ،، لانكم لما تشوفن التصميم اتحسون انكم تقدرون تدخلون فيه ،، تحسون بحركة الخلفية مع إنها ثابتة!!
ما أبالغ .............!!
احم ،، على الاقل انا اشوفه جي !
على فكرة ،،
ها الدرس ما فيه ادوات ولا تعقيد ،، درس سهل وبسيييييييط ،، احنا اللي بنصممه باستخدام الامكانيات العجيبة للفوتوشوب
الأمثلة
خطوات التنفيذ
الخطوة الاولى:
نفتح ملف عمل جديد عن طريق
File >> New
اختاروا الحجم اللي تبونه للصفحة ــ في الامثلة السابقة الحجم 400 * 400 ،، لان من وجهة نظري ها التأثير يكون احلى على المساحات الكبيرة ،، أما في الدرس بستخدم حجم اقل ،،
وحجم الصورة في الدرس هو 300 * 300 Pixels
اتأكدوا من ان الـ contents يكون White ،، ونسوي Ok
مثل الصورة:
الخطوة الثانية:
نضغط على حرف D من لوحة المفاتيح عشان نرد الالوان لطبيعتها ،، الابيض والاسود
،،والحين نطبق الفلتر:
Filter >> Rander >> Clouds
مثل الصورة:
الخطوة الثالثة:الحين بنطبق فلتر ثاني ،، وهو:
Filter >>Distort >> Wave
بيظهر لنا بوكس عود ،، ندخل فيه القيم التالية:
ــ ملاحظة: الكلمات اللي باللون الازرق ،، يعني نختار الخاصية بمجرد تحديدها ــ
Type: Square
Number of Generators: 12
Wavelength:
Min. 25
Max. 78
Amplitude: 5 ---- 35
Scale:
Horiz. 100%
Vert. 100%
Undefined Areas:
Wrap Around ،، وهاي القيمة فيها اختيارين ،، ممكن تختارون اي واحد فيهم ،، وهني انا اخترت الاول ،،
لاحظوا القيم واماكنها في الصورة:
وعقب ها الفلتر ،، المفروض انه يكون عندكم شكل مقارب لهاي الصورة:
الخطوة الرابعة:
في ها الخطوة بنلون الخلفية ،،
انروح لـ
Image >> Adjustment >> Hue/Saturation
واختصارها في لوحة المفاتيح: Ctrl + U
شوفوا الصورة:
بيظهر لنا ها البوكس:
بتلاحظوت على يمين البوكس ،، شي كلمة Colorize اتأكدوا من وضع علامة صح في المربع الفاضي اللي على يسار الكلمة ،،
وغيروا باقي القيم كالتالي:
Hue= 211 ممكن تستخدمون اي لون انتوا تحبونه عن طريق تغيير ها الرقم ،،
Saturation= 45
Lightness = 0
شوفوا الصورة:
والنتيجة:
الخطوة الخامسة:
والحين بنطبق آخر فلتر في ها الدرس ،، وهو:
Filter >> Blur >> Radial Blur
ولما انطبق ها الفلتر بيظهر لنا بوكس ثاني ،، نختار منه القيم التالية:
Amount = 30
Blur Method = Zoom
Quality = Goodلاحظوا الصورة:
والنتيجة:
الخطوة السادسة
لمسة اخيرة على التصميم ،،
نروح لـ
Image >> Adjustment >> Brightness/Contrast
بعد بيظهر لنا بوكس ثاني ،، ونغير القيم للتالي:
Brightness = - 30
Contrast = 60
لاحظوا الصورة:
يفضل تخزينها بصيغة jpg
والنتيجة النهائية:
أشكركم على حسن المتابعة ،،وجزاكم الله خير
